(Fantasy & Anime) Hollywood held fram med å leite både høgt og lågt etter idear til nye kassasuksessar. No har dei oppdaga den japanske anime-klassikaren Ninja Scroll frå 1993, og Warner Bros. vonar å kunne spele denne inn på ny som spelefilm.

 

Ninja Scroll kviler i skuggen av meir kjende japanske animasjonsfilmar som Akira og Ghost in the Shell (som beggje no kan sjå fram til amerikanske spelefilmversjonar), men den populære animasjonsfilmen frå 1993 har absolutt sin tilhengjarskare og filmens originale suksess vart opphavet til ein tv-serie med same namn. Animasjonsfilmen er satt til føydale Japan og følgjer ninjaen Jubei som roter seg opp i ein pest, ein nasjonal krise og ei vakker kvinne. Hans hovudmotstandarar er demonar som har satt som mål å forpurre den naturlege ordenen i den japanske nasjonen. Filmen er fullspekka av vald og sex, og filmens parallell til AIDS-epidemien er klare som dagen.

Ein kan neppe vente seg at Warner Bros vil behalde filmens meir kulørte element, og det kan verte interessant å sjå korleis dei vil attskape historia utan dei meir brutale og seksuelle elementa som den i stor grad var avhengig av.

Lik Akira er det Leonardo DiCaprio sitt selskap Appian Way som skal stå som hovudprodusent av filmatiseringa, men i motsetnad til Akira har ikkje DiCaprio gjett signal om at han ønskjer ei rolle i filmen sjølv.

Les meir hjå /film.