 (Dataspel) I dag kunne LucasArts annonsere det vi lenge har
mistenkt Monkey Island Special Edition, ein remake av originale Secret
of Monkey Island. Og ein har ikkje lenge å vente heller, spelet vert
tilgjengeleg i somar. Og det kjem meir, takka vere Telltale Games.
Det byrja med at nokon såg, for ein kort augneblink, at spelet låg inne
i produktoversikta til ei tysk nettside før det forsvann. At Monkey
Island Special Edition skulle kome til xbox 360 og XBLA spreidde seg
som ild i tørt gras. Og alles auge vart retta mot E3 som byrja denne
helga, og med stor glede kunne der LucasArts annonsere at dei i lag med
avhopparane/veteranane i Telltale Games har satt seg ned og laga ei ny
versjon av det klassiske adventurespelet frå 1990.
Spelet følgjer den unge og naive Guybrush Threepwood som ankomer Melee
Island i håp om å verte pirat. Hans eventyr fører han til guvernør
Elaine Marley, hans livs store kjærleik, og til å krysse sverd med den
grusome spøkelsespiraten LeChuck. Spelet var hysterisk, og førte til
den eine lattarkulen etter den andre, og omforma adventurespelsjangaren
til det den er i dag.
Den nye versjonen er utvikla av Telltale Games, som tidlegare har jobba
med ex-LucasArts-spel Sam & Max, samt Bone og Wallace & Gromit,
og dei har rekruttert mellom anna Dominic Armato og andre frå Curse of
Monkey Island som stemmane til karakterane. Det opphavelege spelet var
berre tekstbasert, men Dominic Armato som Guybrush Threepwood er av
fans rekna som den perfekte stemma til karakteren og er ein stor fan
sjølv.
Dette er sjølvsagt ikkje alt, Telltale Games kunne i same slengen
annonsere Tales of Monkey Island, ein serie på fem nye monkey island
episodar, etter modell frå deira etablserte spelserier. Detaljane er
få, men i dei neste vekene reknar ein med å få vete meir. Desse er planlagd til PC og Wii.
Dei fem episodane frå Telltale Games heiter som følgjer:
Launch of the Screaming Narwhal
The Siege of Spinner Cay
Lair of the Leviathan
The Trial and Execution of Guybrush Threepwood
Rise of the Pirate God
Første episode har premiere 7. juli.
The Secret of Monkey Island Special Edition er tilgjengeleg for
nedlasting til PC og xbox 360 denne somaren. Sjekk ut spelets
nettsider, med screenshots og video, her.
|
